sochta hu keh du ki tu bewafaa hai

mere tan ko chhukar gujarne waali har hawa
mujhse tera pata puchhti hai
kinaare par aane ko betaab har lehar
mujhse tera pata puchhti hai
tere intezaar me betaab meri har dhadkan
mujhse tera pata puchhti hai
tujhe dekhne ko tarasti bekraar aankhien
mujhse tera pata puchhti hai
ek pal lagta hai ki baya kar du saari haqiqat
bata du jag ko apne chahat ki asliyat
par agle hi pal ruk kar sochta hu
ki kaise bata du sabko ye sachchhai
jis pyar ki kasme khaate the
kaise karu uski burai
dil darta hai thamm sa jaata hai
hamare rishtey ki sachchhai se ye
saham sa jaata hai
sochta hu keh du sabse ki
teri har muskan juthi hai
aur juthi teri har ada hai
sochta hu keh du ki
mere pyar ka aitbaar nahi tujhe
sochta hu keh du ki haa
tu bewafaa hai
"KUMAR"

n/a