hum se mai ka safar---HAAL-E-DIL

haal-e-dil hum baya kare bhi to kaise
unse shikwa kare bhi to kaise
mohabbat to humne kiya
ye meri khataa thi
unhe saja de bhi to kaise
chahat itni hai ki hum
unko bhool na payenge
aur agar naa bhule to aalam ye hai
ki un bin hum jee na payenge
ab saans bina jeevan
sweekar kare bhi to kaise
hui hai ye khataa to ab
hum inkaar kare bhi to kaise
unki chahat koi aur hai
ye jaankar hum unse
pyar kare bhi to kaise
unse door rehke jindagi
basar kare bhi to kaise
mai saas bhi lu to
jaise seene me kuchh chuubhta hai
mai chup hu dil gumsum hai
ab pathrayi ankho se ye sach
hum dekhe bhi to kaise
dil kuchh sunne ko raaji nahi
ab koi samjhaye bhi to kaise
dil ne kabhi meri maani hi nahi
ab aaj iske jakhmo ko
sahlaye bhi to kaise
jis chahat ki khaatir sabko ruswa kiya
uske kisse sunaye bhi to kaise
is athaah dard ko ab jataye bhi to kaise
aansu hai ki ab aankho me samate
sare aam inhe bahaye bhi to kaise
waqt ki dhul se dhumil
unki chhavi ko ab nihare bhi to kaise
sochta hu chikh chikh kar pukaru usko
par lekar uska naam use bulau bhi to kaise
kimkartavyavimudhta ki is duvidha se
khud ko bachaye bhi to kaise
ab ek faisle ki kshamta nahi hai mujhme
jindagi puri ye hum bagair faisle ke
bitaye bhi to kaise
log baag kehte hai bhul jaa is kahani ko
par is more par aakar hum
apni chahat ko juthlaye bhi to kaise
ab unhe apna banaye banaye bhi to kaise...
jo hai ye faasla ab darmiya
inhe tay kare bhi to kaise
ek hum ki aarju me jindagi gujaar di
ab hum se mai ka safar kare bhi to kaise..............
"KUMAR"
14/4/10